"Ukrayna Kursk vilayətində 74 yaşayış məntəqəsini nəzarətə götürə bilib. Ukrayna Silahlı Qüvvələrinin döyüşçülərinin irəliləməsi davam edir".
Bu barədə Ukrayna Silahlı Qüvvələrinin Ali Baş Komandanı Aleksandr Sırskinin Ukrayna prezidenti Volodimir Zelenskiyə məruzəsində bildirilib.
Ukrayna dövlətinin başçısı bildirib ki, Sırski ilə daim əlaqə saxlayır. Ümumilikdə cəbhədəki vəziyyət və Kursk vilayətində Ukrayna əməliyyatı haqqında məlumat verilir.
Sırski Zelenskiyə deyib ki, bu gün Kursk vilayətində ukraynalı müdafiəçilər müəyyən istiqamətlərdə 1 kilometrdən 3 kilometrə qədər irəliləyə biliblər. 40 kvadrat kilometr ərazi nəzarətə götürülüb.
"Bu gün bütün cəbhə boyu 74 yaşayış məntəqəsində döyüşlər gedir, hərbi əməliyyatların yüksək intensivliyinə baxmayaraq, əməliyyatı davam etdiririk”, - Sırski deyib.
Zelenski isə Ukrayna hərbçilərinə “mübadilə fondunu” doldurduqlarına görə təşəkkür edib, çünki bu, hərbi əsirlərin mübadiləsinə imkan verəcək.
Xatırladaq ki, Ukrayna yalnız dünən, avqustun 12-də öz döyüşçülərinin Kursk vilayəti ərazisinə daxil olduğunu rəsmən təsdiqləyib. Bunu prezident Volodimir Zelenski Ali Baş Komandanlığın qərargahının məruzəsinə əsasən deyib.
Qeyd edək ki, Rusiya regionu ərazisində əməliyyatın özü bir həftədən çox əvvəl başlayıb.
Zakir Həsənov generalları topladı, döyüş hazırlığı ilə bağlı tapşırıq verdi
Ukraynanın Rusiya ərazisinə daşıdığı müharibə - Moskva bu dəfə nüvə silahına əl atacaq?
Ukrayna ordusu Kursku dağıdır, Rusiya hakimiyyəti başını itirib: Əhali üsyan edir
Adı "Qızıl kitab"a yazılan musiqiçinin UĞUR HEKAYƏSİ: Ən böyük prinsipi risk etməkdən qorxmamaqdır
ŞOK: İcra başçısı Abidin Fərzəliyev və onun “qara kassa”sı Nurlan Həsənov həbs olunacaq
