Şuşa Fatehi Rəhimov Fariz

 

Bu gün Qəbələ rayon Əmirvan kənd şəhidi  Fariz Zahiri oglu  Rəhimovun 4- cü il dönümü qeyd olundu.

 Şəhid Rəhimov Farizin  il dönümündə  , Qəbələ TV,  AZ TV media nümayəndələri,Dünya Azərbaycanlıların Mədəniyyət Mərkəzi, Sabitlik və İnkişaf Mərkəzi, İB Qəbələ rayon nümayəndəliyin rəhbəri,yazarlar, qazilər, şəhid ailələri, məktəblilər, kənd sakinləri,   Qanun keşiyində qəzetinin redaktoru, icra nümayəndəsi,axundlar iştirak etdi.

Əvvəlcə şəhidin məzarı üzərinə gül dəstələri qoyulmuş, ruhuna dualar oxunmuşdur.

Şəhidin anası Şərafət xanım çıxış edərək ,öz övladının qəhrəmanlığından danışmış, gələn qonaqlara öz təşəkkürünü bildirmişdir.
Tədbirdə iştirak edən qonaqlar şəhidin ailəsinə başsağlığı vermişlər.
Məktəblilər şeirlər söyləmişdilər.

Tədbir ata ocağında ehsan süfrəsi arxasında davam etmişdir.

2001-ci il 20 sentyabr tarixində Qəbələ rayonunun Əmirvan kəndində anadan olub. Milliyyətcə ləzgi olan Fariz Rəhimov, 2006-cı ildə Əmirvan kənd orta məktəbində orta təhsilə başlamış və 9-cu sinfi bitirdikdən sonra, 2016-cı ildə Bakı şəhər 12 saylı Bakı Peşə Liseyinə qəbul olub və 2017-ci ildə həmin təhsil müəssisəsindən Geniş Profilli Dəzgahçı dərəcəsi ilə məzun olub.

Azərbaycan Ordusunun əsgəri olan Fariz Rəhimov 2019-cu ilin payız çağırışında hərbi xidmətə çağrılıb. Qusar rayonunda yerləşən N saylı hərbi hissənin kəşfiyyat bölüyünün əsgəri olub.

2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində Füzuli,Cəbrayıl,Xocavənd, Laçın, Şuşa istiqamətində gedən döyüşlərdə savaşıb. Fariz Rəhimov 7 noyabrda Şuşa uğrunda gedən döyüşlərdə şəhid olub. 11 noyabrda Əmirvan kənd qəbristanlığında dəfn olunub.

Allah rəhmət etsin

Təranə Alməmmədova

"Xarıbülbül Əbədi Məclisin", Dünya Azərbaycanlıların Mədəniyyət Mərkəzi, Sabitlik və İnkişaf Mərkəzi, İB Qəbələ rayon nümayəndəliyin rəhbəri